Знешні гандаль Рэспублікі Беларусь

Тэрмін выдання - верасень.

У зборніку прадстаўлены статыстычныя матэрыялы, якія характарызуюць вынікі знешнеэканамічных аперацый Рэспублікі Беларусь, адлюстраваныя ў плацёжным балансе, а таксама знешні гандаль Рэспублікі Беларусь таварамі і паслугамі. 

Прыводзяцца асноўныя артыкулы плацёжнага балансу Рэспублікі Беларусь. Інфармацыя аб знешнім гандлі таварамі прадстаўлена з размеркаваннем аб'ёмаў экспарту і імпарту па краінах, у тым ліку па рэгіёнах Расійскай Федэрацыі, Рэспублікі Казахстан і групоўкам краін. 

Таварная структура экспарту і імпарту прадстаўлена па раздзелах і групах Таварнай наменклатуры знешнеэканамічнай дзейнасці Еўразійскага эканамічнага саюза, па раздзелах і аддзелах Міжнароднай стандартнай гандлёвай класіфікацыі, а таксама па ўзбуйненых групах тавараў (інвестыцыйныя, прамежкавыя і спажывецкія). 

Паказаны дадзеныя аб экспарце і імпарце асноўных тавараў, індэксы сярэдніх цэн і фізічнага аб'ёму экспарту і імпарту, інфармацыя аб знешнім гандлі таварамі ў залежнасці ад асобных характарыстык арганізацый-экспарцёраў і імпарцёраў. 

Паказчыкі прадстаўлены ў дынаміцы за шэраг гадоў. Змяшчаюцца падрабязныя метадалагічныя тлумачэнні, прыведзены графікі і дыяграмы. 

Зборнік выдаецца на рускай і англійскай мовах.

© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.