Кадры навукі ў 2022 годзе

Падрыхтоўка навуковых кадраў. Асноўнымі формамі падрыхтоўкі навуковых работнікаў вышэйшай кваліфікацыі з'яўляюцца аспірантура і дактарантура.

У 2022 годзе ў рэспубліцы колькасць аспірантаў, якія праходзілі навучанне, склала 4,4 тыс. чалавек. Аспірантуру скончылі 796 чалавек. У дактарантуры навучаліся 703 чалавекi, скончылі дактарантуру 112 чалавек. Дактарамі навук сталі 48 чалавек, кандыдатамі навук – 308 чалавек.

Выкананне навуковых даследаванняў і распрацовак. У 2022 годзе 25,2 тыс. чалавек у 448 арганізацыях займаліся навуковымі даследаваннямі і распрацоўкамі.

Структура персаналу, які заняты навуковымі даследаваннямі і распрацоўкамі, у апошнія гады практычна не мянялася: даследчыкі – 65,1%, тэхнікі – 7,6%, дапаможны персанал – 27,3%.

Пятая частка ўсіх даследчыкаў мае навуковую ступень: доктара навук – 523 чалавекi, кандыдата навук – 2564 чалавекі.

У агульнай колькасці даследчыкаў жанчыны склалі 39,2% (дактары навук – 22% і кандыдаты навук – 42%).

Маладыя людзі ва ўзросце да 29 гадоў (уключна) склалі 21,8% ад агульнай колькасці даследчыкаў.

У прафесійнай структуры навуковых кадраў пераважаюць спецыялісты ў галіне тэхнічных і прыродазнаўчых навук.

© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.