Прэс-рэліз "Арганізаваны турызм у 2025 годзе"

На канец 2025 года ў Рэспубліцы Беларусь турыстычную дзейнасць і экскурсійнае абслугоўванне ажыццяўлялі 1255 арганізацый, у мінулым годзе іх паслугамі скарысталася 3,5 млн. арганізаваных турыстаў і экскурсантаў, у тым ліку 1 млн. турыстаў і 2,5 млн. экскурсантаў.

У 2025 годзе 2,2 млн. грамадзян Рэспублікі Беларусь падарожнічалі па турах у межах краіны, з іх 93,8% – у аднадзённых турыстычных паездках (экскурсіях).

У 2025 годзе колькасць арганізаваных турыстаў і экскурсантаў – грамадзян Рэспублікі Беларусь, якія выехалі за мяжу, склала 736,4 тыс. чалавек, колькасць арганізаваных замежных турыстаў і экскурсантаў, якія наведалі Рэспубліку Беларусь, – 579,2 тыс. чалавек.

Сярэдняя працягласць знаходжання за мяжой грамадзяніна Рэспублікі Беларусь у 2025 годзе склала 8 дзён, замежнага турыста ў Рэспубліцы Беларусь – 4 дні.

У 2025 годзе ў рэспубліцы дзейнічалі 664 гасцініцы і аналагічных сродка размяшчэння, іх паслугамі скарысталася 2,7 млн. чалавек, з іх 1,3 млн. чалавек – грамадзяне Рэспублікі Беларусь.

У 2025 годзе 503 санаторна-курортныя, аздараўленчыя арганізацыі і іншыя спецыялізаваныя сродкі размяшчэння прадаставілі паслугі 1,1 млн. чалавек, з іх 867,3 тыс. чалавек – грамадзяне Рэспублікі Беларусь.

Па даных Міністэрства па падатках і зборах Рэспублікі Беларусь, у 2025 годзе колькасць суб'ектаў аграэкатурызму склала 1441 адзінку, іх паслугамі скарысталася 472,5 тыс. чалавек, з іх 449,5 тыс. чалавек – грамадзян Рэспублікі Беларусь.