G.4. Энергія, якая пастаўляецца з узнаўляльных крыніц

за 1990–2019 гг. cпампаваць у фармаце xlsx

Сціслае апісанне:

колькасць энергіі, якая пастаўляецца з узнаўляльных крыніц, у тым ліку па крыніцах энергіі;

доля энергіі, якая вырабляецца з узнаўляльных крыніц энергіі, у агульнай колькасці першаснай энергіі, якая пастаўляецца

Дынаміка вытворчасці энергіі з узнаўляльных крыніц у агульнай
колькасці першаснай энергіі, якая пастаўляецца
(працэнтаў)

Метадалогія:

фарміруецца ў выніку пабудовы энергетычнага балансу ў фармаце і па метадалогіі Міжнароднага энергетычнага агенцтва (МЭА), выкладзенай у Кіраўніцтве па энергетычнай статыстыцы (OECD/IEA/Eurostat, 2007 год);

Кіраўніцтва па энергетычнай статыстыцы (OECD/IEA/Eurostat, 2007 год);

дакументацыя МЭА па фарміраванні базы даных сусветных энергетычных балансаў;

дакументацыя МЭА па фарміраванні базы даных узнаўляльных крыніц энергіі.

узнаўляльныя крыніцы энергіі – крыніцы атрымання энергіі з прыродных працэсаў, якія пастаянна аднаўляюцца (энергіі сонца, ветру, натуральнага руху водных патокаў (гідраэнергія), драўнянага паліва, іншых відаў біямасы, біягазу, цяпла зямлі);

вытворчасць гідра-, ветра- і сонечнай энергіі адлюстроўваецца па колькасці вырабленай на іх базе электрычнай энергіі;

біяпаліва – паліва, якое вырабляецца з біямасы: расліннай або жывёльнай сыравіны, якая атрымліваецца ў выніку сельскагаспадарчай, лесагаспадарчай дзейнасці і звязаных з імі галін прамысловасці, а таксама прадуктаў жыццядзейнасці арганізмаў або арганічных прамысловых і бытавых адходаў і астаткаў;

цвёрдыя віды біяпаліва (цвёрдая біямаса) уключаюць арганічныя, невыкапнёвыя матэрыялы біялагічнага паходжання, якія могуць выкарыстоўвацца ў якасці паліва для вытворчасці цеплавой і электрычнай энергіі: драўняны вугаль, паліўная драўніна, драўняныя астаткі і пабочныя прадукты (дровы ў выглядзе бярвён, вецця, крыхі або дранкі), адходы жывёлагадоўлі, раслінныя матэрыялы і астаткі (салома, раслінная шалупіна, іншыя адходы, якія ўзніклі ў працэсе догляду за раслінамі, іх збору і перапрацоўкі);

вадкімі відамі біяпалівы з'яўляюцца галоўным чынам біядызельнае паліва і біяэтанол, якія выкарыстоўваюцца як паліва для транспартных сродкаў і могуць быць атрыманы са свежых або выкарыстаных раслінных масел, а таксама могуць змешвацца з палівам, атрыманым з нафты або замяняць яго;

біягазы –– газы, якія складаюцца ў асноўным з метану і двухвокісу вугляроду, якія ўтвараюцца ў выніку гніення біямасы або тэрмічных працэсаў (звалачны газ, газ з асадку сцёкавых вод і інш.).

Крыніца даных:

база даных МЭА па ўзнаўляльных крыніцах энергіі па Рэспубліцы Беларусь.

Значнасць паказчыка:

павелічэнне вытворчасці энергіі з узнаўляльных крыніц з'яўляецца найлепшым варыянтам скарачэння негатыўнага ўздзеяння вытворчасці і спажывання энергіі на навакольнае асяроддзе.