I.1. Утварэнне адходаў
за 2005–2023 гг. спампаваць у фармаце xlsx
Сціслае апiсанне:
аб'ём адходаў вытворчасці (якія ўтвараюцца ва ўласнай вытворчасці і адходаў, атрыманых ад іншых арганізацый) у разрэзе відаў эканамічнай дзейнасці;
утварэнне цвёрдых камунальных адходаў (далей – ЦКА);
акрамя таго, паказчыкі прыведзены ў разліку на душу насельніцтвы і адзінку ВУП.
Утварэнне адходаў вытворчасці і ЦКА
у разліку на адзінку ВУП па ППЗ ў Рэспубліцы Беларусь
(кг/тыс. міжнародных дол., ВУП па ППЗ у супастаўных цэнах 2021 г.)
Метадалогія:
адходы вытворчасці ўключаюць адходы, якія ўтварыліся ў працэсе ажыццяўлення эканамічнай дзейнасці (вытворчасці прадукцыі, энергіі, выканання работ, аказання паслуг), пабочныя і звязаныя з гэтым прадукты здабычы і абагачэння карысных выкапняў;
у паказчыкі адходаў вытворчасці не ўключаюцца:
- радыеактыўныя адходы;
- прадукты жывёльнага паходжання;
- лом і адходы чорных металаў (акрамя адходаў, якія ўтрымліваюць поліхларыраваныя біфенілы або забруджаны імі);
- лом і адходы каляровых металаў (акрамя свінцовых акумулятараў, якія адпрацавалі, а таксама адходаў, якія ўтрымліваюць поліхларыраваныя біфенілы або забруджаны імі);
- адходы спажывання;
адходы вытворчасці па класах небяспекі фарміруюцца ў адпаведнасці з агульнадзяржаўным класіфікатарам Рэспублікі Беларусь ОКРБ 021-2019 «Класіфікатар адходаў, якія ўтвараюцца ў Рэспубліцы Беларусь»;
пры фарміраванні афіцыйнай статыстычнай інфармацыі па статыстыцы адходаў вытворчасці ў разрэзе відаў эканамічнай дзейнасці:
- у перыяд 2010 – 2015 гг. выкарыстоўваўся агульнадзяржаўны класіфікатар Рэспублікі Беларусь ОКРБ 005-2006 "Віды эканамічнай дзейнасці" (адпавядае NACE Rev. 1.1);
- у перыяд з 2016 г. – агульнадзяржаўны класіфікатар Рэспублікі Беларусь ОКРБ 005-2011 "Віды эканамічнай дзейнасці" (адпавядае NACE Rev. 2.0);
камунальныя адходы ўключаюць адходы спажывання і адходы вытворчасці, уключаныя ў зацверджаны Міністэрствам жыллёва-камунальнай гаспадаркі Рэспублікі Беларусь пералік адходаў, якія адносяцца да камунальных адходаў;
даныя аб масе утвораных ЦКА разлічваюцца як сума масы выкарыстаных ЦКА і масы пахаваных на палігонах ЦКА.
Крыніца даных:
адходы вытворчасці: форма дзяржаўнай статыстычнай справаздачнасці 1-отходы (Минприроды) «Отчет об обращении с отходами производства»; адказным за фарміраванне афіцыйнай статыстычнай інфармацыі з'яўляецца Міністэрства прыродных рэсурсаў і аховы навакольнага асяроддзя Рэспублікі Беларусь;
камунальныя адходы: адміністрацыйныя даныя; адказным за фарміраванне з'яўляецца Міністэрства жыллёва-камунальнай гаспадаркі Рэспублікі Беларусь.
Значнасць паказчыка:
дазваляе забяспечыць вымярэнне ўплыву антрапагеннага ўздзеяння на навакольнае асяроддзе; аналіз дынамікі аб'ёму ўтварэння адходаў на адзінку ВУП дазваляе ацаніць матэрыялаёмістасць структуры вытворчасці.
Версія для друку
© Нацыянальны статыстычны камітэт Рэспублікі Беларусь.
Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.
