• Размеркаванне насельніцтва па ўзроўні сярэднедушавых наяўных рэсурсаў па абласцях і г.Мінску
• Iнфаграфiка "Аб узроўні жыцця насельніцтва ў Рэспубліцы Беларусь, 2024 год" (.pdf)
• Прэс-рэліз "Аб узроўні жыцця дамашніх гаспадарак у 2024 годзе"

Прэс-рэліз "Аб узроўні жыцця дамашніх гаспадарак у 2024 годзе"

(выбарачнае абследаванне дамашніх гаспадарак па ўзроўні жыцця)

Па даных выбарачнага абследавання дамашніх гаспадарак па ўзроўні жыцця, у Рэспубліцы Беларусь у 2024 годзе наяўныя рэсурсы¹⁾ ў разліку на дамашнюю гаспадарку склалі 2415,2 рубля ў месяц, у тым ліку ў гарадах і пасёлках гарадскога тыпу – 2537,7 рубля ў месяц, у сельскіх населеных пунктах – 2018,5 рубля ў месяц.

Грашовыя расходы ў разліку на дамашнюю гаспадарку склалі 2319,8 рубля ў месяц, з якіх 1632 рублi (70,4%) прыпадае на спажывецкія расходы²⁾.

У структуры спажывецкіх расходаў дамашніх гаспадарак доля расходаў на харчаванне склала 37,4%, на пакупку нехарчовых тавараў – 36,0%, на аплату паслуг – 24,1%.

¹⁾ Наяўныя рэсурсы – грашовыя сродкі дамашніх гаспадарак, кошт спажытых прадуктаў харчавання, вырабленых у асабістай падсобнай гаспадарцы, за мінусам матэрыяльных затрат на іх вытворчасць і (альбо) якія паступілі з іншых крыніц без аплаты, і кошт атрыманых у натуральнай форме льгот і выплат.

²⁾ Спажывецкія расходы – грашовыя расходы дамашніх гаспадарак на харчаванне (у тым ліку расходы на грамадскае харчаванне), куплю алкагольных напіткаў, тытунёвых вырабаў, нехарчовых тавараў і аплату паслуг. У склад спажывецкіх расходаў не ўключаюцца падаткі, матэрыяльная дапамога і іншыя расходы, не звязаныя са спажываннем, а таксама ўсе расходы, звязаныя з вытворчасцю сельскагаспадарчай прадукцыі ў асабістай падсобнай гаспадарцы і накапленнем (банкаўскія ўклады, купля нерухомай маёмасці, замежнай валюты і гэтак далей).

© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.