• Аб эксперыментальным фармiраваннi Балансу актываў i пасiваў на канец 2023 года
• Iнфаграфiка "Эканамічныя актывы Рэспублікі Беларусь на канец 2023 года" (.pdf)

Аб эксперыментальным фармiраваннi Балансу актываў i пасiваў на канец 2023 года

Нацыянальным статыстычным камiтэтам упершыню распрацавана сiстэма ацэнкi нацыянальнага багацця i сфармiраваны эксперыментальны Баланс актываў i пасiваў.

Дадзеная работа праводзiлася ў рамках рэалiзацыi палажэнняў Праграмы сацыяльна-эканамiчнага развiцця Рэспублiкi Беларусь на 2021-2025 гады, выканання мерапрыемстваў Праграмы дзейнасцi Урада на перыяд да 2025 года, якiя прадугледжваюць правядзенне iвентарызацыi i залучэнне невыкарыстоўваемых або неэфектыўна выкарыстоўваемых актываў у эканамiчны абарот, а таксама выканання мерапрыемстваў Стратэгii развiцця дзяржаўнай статыстыкi з мэтай удасканалення пабудовы Сiстэмы нацыянальных рахункаў (СНР).

Значны аб’ём работ па вартаснай ацэнцы актываў для наступнага фармiравання Балансу актываў i пасiваў быў выкананы ва ўзаемадзеяннi з мiжведамаснай рабочай групай, зацверджанай загадам Мiнiстэрства эканомiкi ад 15 снежня 2021 г. № 83 (у склад рабочай групы ўваходзiлi прадстаўнiкi Белстата, Мiнэканомiкi, Мiнфiна, Мiнлясгаса, Мiнкульта, Мiнпрыроды, Дзяржкаммаемасцi, Дзяржаўнага камiтэта па навуцы i тэхналогiях, НАН Беларусi i iншыя).

Баланс актываў i пасiваў, складзены на пэўны момант, змяшчае даныя аб кошце эканамiчных актываў, якiя знаходзяцца ва ўласнасцi iнстытуцыянальнай адзiнкi або групы iнстытуцыянальных адзiнак, i кошту фiнансавых абавязацельстваў, якiя маюць iнстытуцыянальныя адзiнкi або групы iнстытуцыянальных адзiнак.

Баланс актываў i пасiваў завяршае паслядоўнасць рахункаў СНР, адлюстроўваючы вынiковае значэнне ўсiх аперацый па рахунках вытворчасцi, размеркавання i выкарыстання даходаў i накаплення.

Рознiца памiж сумай нефiнансавых i фiнансавых актываў i фiнансавых абавязацельстваў балансу дазваляе атрымаць чысты кошт капiталу. Для эканомiкi ў цэлым гэтая сума называецца нацыянальным багаццем.

У прадстаўленай нiжэй таблiцы эксперыментальны баланс сфармiраваны на канец 2023 года. Ацэнка ўсiх актываў i абавязацельстваў у балансе ажыццяўляецца ў бягучых рыначных цэнах.

Змяненне фармату прадстаўлення балансу актываў i пасiваў будзе ажыццяўляцца паэтапна.

Разглядаецца пытанне аб вартаснай ацэнцы водных рэсурсаў. У эксперыментальным балансе ацэнка водных рэсурсаў не прадстаўлена.

Баланс актываў i пасiваў
(на канец 2023 года, мiльёнаў рублёў)

© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.