Галоўная / Афіцыйная статыстыка / Шматгаліновая статыстыка / Навакольнае асяроддзе / Iндыкатары Сумеснай сістэмы экалагічнай інфармацыі / С. Водныя рэсурсы / С.10. Біяхімічнае спажыванне кіслароду і канцэнтрацыя аманійнага азоту ў рачной вадзе

С.10. Біяхімічнае спажыванне кіслароду і канцэнтрацыя аманійнага азоту ў рачной вадзе

за 2005-2024 гг. спампаваць у фармаце xlsx

Сціслае апісанне:

біяхімічнае спажыванне кіслароду (БСК₅) у рачной вадзе выступае інтэгральным паказчыкам забруджанасці паверхневых вод і адлюстроўвае колькасць растворанага кіслароду, спажываемага арганізмамі для аэробнага разлажэння арганічных рэчываў, якія прысутнічаюць у вадзе. У Беларусі паказчык якасці вады па БСК₅ для паверхневых водных аб'ектаў, якія выкарыстоўваюцца для размнажэння, нагулу, зімоўкі, міграцыі відаў рыб атрадаў ласосепадобных і асётрападобных складае не болей 3 мг О₂/л; для іншых паверхневых водных аб'ектаў – не болей 6 мг О₂/л;

аманійны азот з'яўляецца адным з асноўных рачных забруджвальнікаў. Найбольш-дапушчальная канцэнтрацыя аманійнага азоту складае 0,39 мг N/л;

паказчык прадстаўлены ў разрэзе рэк па пунктах назіранняў.

Біяхімічнае спажыванне кіслароду і канцэнтрацыя аманійнага азоту ў рачной вадзе

	Сярэднегадавое біяхімічнае спажыванне кіслароду (БСК₅), мг О₂/л		Канцэнтрацыя аманійнага азоту (NH₄/N-NH₄), мг N/л
	2010	2024	2010	2024
Бярэзіна	1,82	2,56	0,86	0,25
Вілія	2,53	2,17	0,47	0,04
Днепр	2,15	2,10	0,41	0,29
Заходняя Дзвіна	2,10	2,34	0,45	0,20
Заходні Буг	2,88	2,85	0,35	0,10
Мухавец	2,43	2,20	0,81	0,21
Нёман	2,36	3,26	0,43	0,13
Прыпяць	2,46	2,57	0,50	0,10
Свіслач	2,90	4,15	0,82	0,32
Сож	1,53	2,08	0,33	0,26

Метадалогія:

сярэднегадавое біяхімічнае спажыванне кіслароду вызначаецца пасля 5-дзённага інкубацыйнага перыяду на аснове інфармацыі, атрыманай па кожным пункце назірання пры адборы і правядзенні выпрабаванняў проб паверхневых вод на дзяржаўнай сетцы назіранняў за станам паверхневых вод;
канцэнтрацыя аманійнага азоту вызначаецца на аснове інфармацыі, атрыманай па кожным пункце назірання пры адборы і правядзенні выпрабаванняў проб паверхневых вод на дзяржаўнай сетцы назіранняў за станам паверхневых вод.

Крыніца даных:

Нацыянальная сістэма маніторынгу навакольнага асяроддзя;
адказным за фарміраванне інфармацыі з'яўляецца Міністэрства прыродных рэсурсаў і аховы навакольнага асяроддзя Рэспублікі Беларусь.

Значнасць паказчыка:

дазваляе вызначыць стан рэк па ўзроўні забруджвання арганічнымі рэчывамі, якія легкаакісляюцца, і аманійным азотам.

Версія для друку